ළඳුනේ ළඳුනේ
Landune Landune
ළඳුනේ ළඳුනේ
ඔබේ දෑස දැක ගත්තෙමි
සැඳෑ කලෙක ළඳුනේ ළඳුනේ
දෙනෝදහක් අතගත්තද
සැමියෙකු නැති ළඳුනේ
නෑයෙක් නෑකම නොකියන
වීදි සරන ළඳුනේ ළඳුනේ
තෙල් මල් ගෙන දෝත පුරා
මුණි කුටියට පියමං වන
ඔබේ දෑස දැක ගත්තෙමි
සැඳෑ කලෙක ළඳුනේ ළඳුනේ
බුදුන් දැක නිවන් දකිමැයි
දෙව්රම යන පාර අහන
ඔබද පටාචාරාවකි
ඔබද කිසාගෝතමියකි
පිරිමින්ගේ පාප කඳට
දෝස විදින ළඳුනේ
අඳුරේ පව් කරන දනා
එළියෙ රවන ළඳුනේ
ළැම පමනක් ලොවට පෙනෙන
ළය නොපෙනෙන ළඳුනේ
කුහුඹුවකුට වරදක් නැති
වැරදිකාර ළඳුනේ
Contributors · 0
No contributions yet.
Lyrics reproduced for study · © respective rights holders
More by අමරසිරි පීරිස්