පහසුවටත් වාසියටත්
Pahasuwatath Waasiyatath
පහසුවටත් වාසියටත්
දැන දැන වැරදි කරනවා
එහෙම කලත් නිදහසටත්
කියන්න කරුණු තියෙනවා
නැතිනං හදල කියනවා
ගමරාළාගෙ එළ හරකෙක්
හොරකම් කල හරක් හොරෙක්
දුටු ගමයා කෑ ගැසුවා
ඈ කවුද කවුද කවුද මිනිහෝ
මගෙ හරක අරං යන්නෙ
ඔහේගෙනං ඔහේ ගන්න
හොඳ නෑ නොවැ දොස් කියන්න
අනෙ මගෙ කට
හරකෙක් කොහෙද මා ළඟ
කඹයනෙ අල්ලං ඉන්නේ
කිතුලක රා බොන්න හිතී
මිනිහෙක් කිතුලකට නැගී
අයිතිකරුට අසුවූවා
ඕයි කවුද ඩෝ ගස් බඩගාන්නෙ
පාන්දර ජාමෙ
තණකොල ඩිංගක් කපන්න
හිතුණා ගහ උඩට යන්න
තණකොල? ගහ මුදුණෙ?
ඒක තමයි
තණකොල නෑ ගහ මුදුණේ
අනේ ඒකයි බිමට බහින්නේ
මරණව මම තඩි බළලා
වෙරි වූ මීයෙක් කියලා
බළලාහට මෙය ඇහිලා
ඈ මාව මරන්න තෝ?
කාපු බීපු වේලාවට
පුංචි විහිළුවක් කෙරුවට
විහිළු? හොඳ විහිළු
රාළහාමිලා වගේ අය
ගණන්ගන්නෙ ඇයිද සුළු දෙය
Contributors · 0
No contributions yet.
Lyrics reproduced for study · © respective rights holders
More by සුනිල් පෙරේරා