මස් මාංශ කවලා
Mas Mansha Kawala
මස් මාංශ කවලා බලු කූඩුවෙ දමලා
ඇති කොරන්න ගත්ත අපේ ටොමියා
මූට වෙඩි තියන්න කියලා ඇයි කියන්නෙ ඔහෙලා
හිතුවද මූට පිස්සුයැයි කියාලා
බල්ලට වෙඩි තියන්න කියලා ඇයි කියන්නෙ ඔහෙලා
හිතුවද මං වෙඩි තියයි කියාලා
උඹ බත් කෑවද ටොමියා ඇහුවම
බව් බව් බත් කෑවා කියනවා
මම ටොමියා ගිහින් පාරෙ අතාරින්නද
බව් බව් බව් එපා කියනවා
අපි ඇති කෙරුවත් බලු කූඩුවෙ දමලා
කුස පිරෙන්න මස් කටු ටික කවලා
ඔය බල්ලන් යනවලු දවසක පැනලා
ටොමී උඹ යනවද මටත් එහෙම කොරලා
කොල්ලො ගල් ගහන්නෙ නෑ
වත්තෙ අඹ කඩන්නෙ නෑ
උඹ ඇත්තං ඒ දේවල් නෑ
වෙන බල්ලන් හොඳ නෑ
නමුතු ටොමියා එහෙම නෑ
අතෑරියත් හපා කන්නෙ නෑ
බලු රෑන සමග දඩාවතේ යන්න
ඩස්බින් එක පෙරලාගෙන කන්න
පිළිකන්නක උඩු බුර බුර ඉන්න
උඹට ආස නැද්ද ඒ විදියට ඉන්න
හොඳ ජාතියෙ බල්ලන් හමුවන්න
උන් එක්කල තරඟෙට පොර කන්න
බලු ගෑනු සතෙක් එක්ක යාලු වෙන්න
උඹට ආස නැද්ද බලු විදියට ඉන්න
බලු විදියට ඉන්න ආසදැයි බලන්න
බලු කූඩුවෙ දොර ඇරලා තියන්න
මාව දාලා යන්නෙ නෑ නේද කියන්න
නකුට වනං පස්සෙන් එන්න
Contributors · 0
No contributions yet.
Lyrics reproduced for study · © respective rights holders